Fræðslustefna
Staða fræðslumála hjá Skátafélaginu Ægisbúum
Ægisbúar hafa ætíð sett metnað sinn í að vera með hæfa og vel þjálfaða foringja. Teljum við það lykilin að velgegni og er það stefna félagsins að sveitarforingjar hafi lokið Gillwell-þjálfun eða séu í slíkri þjálfun.
Allir foringjar félagsins hafa sótt námskeiðið Verndum þau. Þá fer fram markviss fræðsla innan félagsins varðandi forvarnir í breiðustu merkingu þess orðs.
Félagið vinnur að innleiðingu nýrrar skátadagskrár og hefur sett sér það markmið að hún verði að fullu komin til framkvæmda í upphafi starfsárs 2015. Foringjar félagsins hafa sótt innleiðingarnámskeið BÍS og eru fleiri námskeið á döfinni í samstarfi við BÍS.
Allir foringjar félagsins hafa sótt námskeið í Fyrstu hjálp.
Fjórir foringjar félagsins hafa lokið námskeiðunum Ferðamennska og Rötun hjá Slysavarnarfélaginu Landsbjörgu. Er markvisst staðið að þjálfun yngri foringja undir leiðsögn þessarra foringa.
Félagið heldur reglulega leikjanámskeið fyrir foringja og hafa þau verið í umsjón foringja sem sótt hafa námskeið Project Adventure í Beverly, MA, USA. Þá hafa foringjar félagsins sótt slík leikjanámskeið hjá BÍS.
Á árinu verður farið í átak í umhverfisvitund foringja og munu foringjar félagsins sækja námskeið sem er í undirbúningi og þróun í þeim efnum.
Árlega hafa verið haldin námskeið á vegum félagsins í útivist og útilífi. Svo sem ferðast um hálendi á hjólum, lengri tjaldleiðangrar, fuglaskoðun og í sumar er áformað að halda kajak-námskeið.