Forvarnir
Stefna Skátafélagsins Ægisbúa í vímuvörnum.
1. Forvarnargildi skátastarfs
Skátahreyfingin gegnir mikilvægu hlutverki í vímuvörnum. Rannsóknir á högum barna og ungmenna sýna að þeim ungmennum sem eru virk í skátastarfi, reiðir betur af og neyta síður vímuefna. Ægisbúar vilja efla enn frekar vímuvarnagildi skátastarfs með því að taka skýra afstöðu gegn neyslu vímefna í tengslum við skátun. Í þessarri stefnuyfirlýsingu er talað um fíkni- og vímuefnaneyslu og er þá átt við neyslu tóbaks, áfenegis og allra ólölegra vímuefna.
2. Neysla tóbaks og vímuefna
Ægisbúar eru andvígir allri neyslu fíkni- og vímuefna skáta og annarra er koma starfi með börnum á vegum skátafélagsins. Öll neysla fíkni- og vímuefna er bönnuð í skátaheimili, skátaskála, í útilegum og ferðum á vegum félagsins og á skátamótum.
3. Viðbrögð félagsins við neyslu skáta
Ægisbúar munu bregðast sérstaklega við allri neyslu skáta undir 18 ára aldri. Foreldrar verða undantekningarlaust upplýstir um slíka neyslu.
Varðandi viðbrögð við fíkni-og vímefnaneyslu þeirra sem eru sjálfráða, munu Ægisbúar bregðast við neyslu sem er brot á reglum félagsins ( sbr. Lið 2 ) og neyslu sem hefur áhrif á ástundun, frammistöðu og ímynd skátafélagsins.
Viðbrögð Ægisbúa við brotum á reglum þessum verða í formi tilmæla og ábendinga. Viðbrögð félagsins munu samt sem áður ávallt mótast af vilja til að aðstoða skátann við að laga sig að reglunum og að hann haldi áfram að starfa innan félagsins.
4. Hlutverk foringja
Foringjar skulu starfa eftir fíkni-og vímuvarnastefnu skátafélagsins Ægisbúa, þar með talið að bregðast við fíkni- og vímuefnaneyslu á viðeigandi hátt.
Ægisbúar munu sjá foringjum fyrir fræðsluefni um áhrif fíkni-og vímuefnaneyslu á ástundun og frammistöðu í skátastarfi sem og á einkalíf skátans.
Foringjar skulu framfylgja stefnu skátafélagsins Ægisbúa varðandi samstarf við foreldra og aðra aðila sem sinna málefnum barna og unglinga.
5. Samstarf við foreldra
Ægisbúar munu upplýsa foreldra um stefnu skátafélagsins í fíkni-og vímuvörnum.
Ægisbúar munu standa að góðu samstarfi við foreldra skáta með fræðslu um neikvæð áhrif fíkni-og vímuefna.
Ægisbúar munu starfa náið með fagfólki í fíkni-og vímuvörnum og hafa samráð við foreldra, þurfi að taka á neysluvandamáli skáta undir sjálfræðisaldri.
6. Samstarf við aðra aðila sem sinna málefnum barna og unglinga.
Ægisbúar munu hafa náið samstarf við þá aðila sem sinna tómstundastarfi barna og unglinga.
Ægisbúar muna hafa náið samstarf við fagaðila sem sinna börnum og unglingum, fá frá þeim fræðsluefni og hafa samráð um einstaklinga í áhættuhópi.
Samþykkt á stjórnarfundi í september 1998.
Stjórn Skátafélagsins Ægisbúa.