Eineltisáætlun
Viðbrögð Skátafélagsins Ægisbúa til varnar einelti.
Fyrstu forvarnir gegn einelti byrja við inngöngu í skátafélagið. Með því að:
- Stuðla að samvinnu heimila og skátafélags.
- Upplýsa foreldra um stefnu félagsins gegn einelti
- Sveitarforingi hafi reglulega umræðu í sveit sinni um líðan, samskipti og hegðun.
- Sveitarforingi setji reglur í sveitinni gegn ofbeldi og einelti.
- Skátar þjálfist að vinna í hóp og sýni hverjir öðrum tillitsemi, sveigjanleika og umburðarlyndi.
Skilgreining skáta á einelti:
Einelti er langvarandi ofbeldi, líkamlegt eða andlegt sem stýrt er af einstaklingi eða hópi og beinist að ákveðnum einstaklingi. Þetta þarf að vera endurtekið aftur og aftur og sá sem fyrir eineltinu verður er ekki fær um að verja sig.
Stríðni, átök og einstakur ágreiningur milli jafningja telst ekki til eineltis.
Einelti er ekki liðið í skátunum.
Fyllsta trúnaðar er gætt við meðferð eineltismála.
1. Könnunarstig:
Þegar vitneskja berst um einelti til skátafélagsins frá skáta, forráðamönnum eða foringjum í félaginu, er henni komið til sveitarforingja. Sveitarforingi skráir í dagbók og greinir málið samkvæmt skilgreiningu skátafélagsins á einelti. Á könnunarstigi leitar sveitarforingi eftir upplýsingum frá öðrum foringjum í félaginu og greinir félagsforingja og starfsmanni frá stöðu mála. Félagsforingi ákveður næstu skref eftir eðli málsins.
2. Framkvæmdastig :
Ef félagsforingi metur að um einelti sé að ræða sem nær út fyrir skátafélagið, vísar hann málinu til stjórnar.
Ef félagsforingi metur að um einelti sé að ræða innan sveitar, gerir hann forráðamönnum málsaðila grein fyrir stöðunni.
Farið er yfir:
- Hver viðbrögð félagsins eru til að aðstoða þolanda og geranda/gerendur.
- Hvað forráðamenn þolanda, geranda/gerenda geta gert til aðstoðar barni sínu og félaginu og hver ábyrgð forráðamanna er í eineltismálum.
- Hver ábyrgð forráðamanna er í meðferð eineltismála og hvað þeir geta/eigi að gerabarni sínu og félaginu til aðstoðar.
- Að foreldrar geti sjálfir haft samband við námsráðgjafa og/eða sálfræðing í skóla viðkomandi.
- Samstarf foreldra og sveitarforingja um að fylgja málinu eftir.
3. Félagsforingi gerir viðkomandi foringjum, starfsmanni og stjórn grein fyrir stöðu mála.
4. Allt ferlið er skráð í dagbók af sveitarforingja og foreldrar eru einnig hvattir til að skrá hjá sér málsatvik.
Ef ofangreindar aðgerðir í sveitinni bera ekki árangur að mati félagsforingja, vísar hann málinu til stjórnar ásamt dagbókarskráningu sinni á málsatvikum.
5. Vinnureglur stjórnar Ægisbúa í eineltismálum :
Stjórn Ægisbúa tekur tilvísun eineltismáls til umræðu á fundi. Þar er málið skoðað og fer það eftir eðli þess og vexti til hvaða aðgerða er gripið. Ákveðnum stjórnarmönnum er falin umsjón áframhaldandi vinnu.
Stjórn Ægisbúa fylgist með framgangi málsins. Gangi ekki að uppræta eineltið innan veggja skátafélagsins er leitað til sérfróðra aðila í skóla viðkomandi.
Hlutverk foringja skátafélagsins Ægisbúa:
Hlutverk allra foringja félagsins er að vera vakandi fyrir líðan og velferð skáta í félaginu. Mikilvægt er að koma vitneskju um einelti sem allra fyrst til sveitarforingja eða starfsmanns.
Hlutverk skáta í félaginu:
Að koma vitneskju um einelti til sveitarforingja eða starfsmanns.
Hlutverk foreldra:
Að vera vakandi fyrir líðan, námsgengi og félagslegri stöðu barna sinna.